உடல் எடையை குறைக்க மூலிகை மருத்துவம்

சிறு குறு தொழில் செய்ய வேண்டுமா?

உங்களுக்கு சிறு குறு தொழில் செய்ய ஆசையா? இதையும் படியுங்கள்.

உடல் எடையை குறைக்க

ஓர் அறிமுகம்:

     உடல் எடை அதிகரிப்பது என்பது இன்றய காலகட்டத்தில் ஒரு பெரிய சவாலாக உள்ளது. உணவு பழக்கவழக்கங்கள், உடற்பயிற்சியின்மை மற்றும் மனஅழுத்தம் போன்ற காரணங்களால் உடல் பருமன் ஏற்படுகிறது. உடல் எடையை குறைக்க பல்வேறு வழிகள் இருந்தாலும், பக்க விளைவுகள் இல்லாத இயற்கை மருத்துவ முறைகள் மிகவும் பயனுள்ளவை. நமது பாரம்பரிய சித்த வைத்திய முறை மற்றும் ஆயுர்வேத மருத்துவ முறைகள் போன்றவற்றில், உடல் எடையை குறைக்க பல்வேறு மூலிகைகள் பரிந்துரைக்கப்பட்டுள்ளன. இம்முறைகள், வளர்சிதை மாற்றத்தை (metabolism) அதிகரிப்பதன் மூலமும், உடலில் உள்ள நச்சுத்தன்மையை  நீக்குவதன் (detoxification) மூலமும், பசியைக் கட்டுப்படுத்துவதன் மூலமும் உடல் எடையை குறைக்க உதவுகிறது.

செய்முறை

     இயற்கை முறையில் உடல் எடையைக் குறைக்க உதவும் சில முக்கியமான மூலிகைகள் மற்றும் அவற்றை எப்படி பயன்படுத்துவது என்பதற்கான செய்முறைகள் இங்கே கொடுக்கப்பட்டுள்ளன.

1. திரிபலா பொடி

திரிபலா பொடி

தேவையான பொருட்கள்:

கடுக்காய் பொடி - 1 பங்கு

தான்றிக்காய் பொடி - 1 பங்கு

நெல்லிக்காய் பொடி - 1 பங்கு

செய்முறை:

     மேற்கூறிய மூன்று பொடிகளையும் சம அளவில் எடுத்து நன்கு கலக்கவும். இதுவே திரிபலா பொடி. தினமும் இரவு தூங்கச் செல்வதற்கு முன், ஒரு தேக்கரண்டி திரிபலா பொடியை ஒரு டம்ளர் வெதுவெதுப்பான நீரில் கலந்து குடிக்கவும்.

பயன்கள்:

     திரிபலா, குடலை சுத்தம் செய்து, செரிமானத்தை மேம்படுத்துவதோடு, உடலில் உள்ள தேவையற்ற கொழுப்பைக்

குறைத்து, உடல் எடையைக் கட்டுக்குள் வைக்க உதவுகிறது.

2. இஞ்சி எலுமிச்சை மற்றும் தேன் கலவை

இஞ்சி எலுமிச்சை மற்றும் தேன்

தேவையான பொருட்கள்:

இஞ்சி சாறு - 1 தேக்கரண்டி

எலுமிச்சை சாறு - 1 தேக்கரண்டி

தேன் - 1 தேக்கரண்டி

வெந்நீர் - 1 டம்ளர்

செய்முறை:

     ஒரு டம்ளர் வெந்நீரில் இஞ்சி சாறு, எலுமிச்சை சாறு மற்றும் தேன் கலந்து நன்கு கலக்கவும். இதைத் தினமும் காலை வெறும் வயிற்றில் குடிக்க வேண்டும்.

பயன்கள்:

     இஞ்சி வளர்சிதை மாற்றத்தை அதிகரித்து, கொழுப்பை குறைக்க உதவுகிறது. எலுமிச்சை, உடலில் உள்ள நச்சுக்களை வெளியேற்றுகிறது. இந்த கலவை பசியைக் கட்டுப்படுத்தி, உடல் எடையை குறைக்க முக்கிய பங்கு வகிக்கிறது.

3. கற்றாழை மற்றும் எலுமிச்சை பானம்:

கற்றாழை மற்றும் எலுமிச்சை

தேவையான பொருட்கள்:

கற்றாழை ஜெல் - 2 தேக்கரண்டி
எலுமிச்சை சாறு - 1 தேக்கரண்டி

வெந்நீர் - 1 டம்ளர்

செய்முறை:

     கற்றாழை ஜெல்லை ஒரு மிக்ஸியில் போட்டு, சிறிது தண்ணீர் சேர்த்து நன்கு அரைத்து கொள்ளவும். அரைத்த ஜெல்லை ஒரு டம்ளரில் ஊற்றி, அதனுடன் எலுமிச்சை சாறு மற்றும் வெந்நீர் சேர்த்து நன்கு கலக்கவும். தினமும் காலை வெறும் வயிற்றில் குடிக்கவும்.

பயன்கள்:

     கற்றாழை, பசியைக் குறைத்து, செரிமானத்தை மேம்படுத்துவதோடு உடலில் உள்ள கொழுப்பை குறைக்க உதவுகிறது.

முடிவுரை:

     இயற்கையான முறையில் உடல் எடையைக் குறைக்கும் மூலிகை மருத்துவம் என்பது, உணவு மற்றும் வாழ்க்கைமுறையில் சில ஆரோக்கியமான மாற்றங்களை செய்வதன் மூலம் உடலில் உள்ள அமைப்பை மேம்படுத்துவதாகும். இந்த மூலிகைகள், வெறும் கொழுப்பைக் குறைப்பது மட்டுமல்லாமல், ஒட்டுமொத்த ஆரோகியத்தையும் மேம்படுத்துகிறது. இந்த மூலிகை மருத்துவதுடன், சீரான உணவு பழக்கம் (அதிக காய்கறிகள், பழங்கள் மற்றும் புரத சத்து நிறைந்த உணவுகள்), தினசரி உடற்பயிற்சி மற்றும் போதுமான நீர் அருந்துதல் போன்ற ஆரோக்கியமான பழக்கவழக்கங்களை மேற்கொண்டால், பக்க விளைவுகள் இல்லாமல் நீண்ட காலத்திற்கு ஆரோக்கியமான உடல் எடையை பராமரிக்கலாம்.

பொறுப்புத் துறப்பு (Disclaimer):

     இந்த கட்டுரையில் குறிப்பிடப்பட்டுள்ள  மூலிகை மருத்துவ முறைகள் பொதுவான தகவல்களுக்காக மேட்டுமே. இவற்றை முயற்சிக்கும் முன், ஒரு மருத்துவர் அல்லது ஆயுர்வேத, சித்த மருத்துவ நிபுணரின் ஆலோசனையைப் பெறுவது மிகவும் அவசியம். சுயமாகச் சிகிச்சை எடுத்து கொள்வதைத் தவிர்க்கவும். இந்த தகவல்களைப் பயன்படுத்தி ஏற்படும் எந்தவொரு விளைவுக்கும் நாங்கள் பொறுப்பல்ல.